Magtutulungan ang Quezon City Government at fashion designer na si Avel Bacudio para hasain pa ang kakayahan ng mga mananahing QCitizen.

Nakipagpulong si Avel kay Mayor Joy para sa planong training na lalahukan ng mga kabataan at mga residenteng interesadong matuto sa fashion design.

Buo ang suporta ng lokal na pamahalaan sa mungkahi ni Avel, na inaasahang magbubukas ng oportunidad para sa QCitizens.

Kasama ni Mayor Joy at Avel sa kanilang pulong sina Quezon City Council Majority Floor Leader Coun. Aly Medalla, Climate Change and Environmental Sustainability Department Head Andrea Villaroman, at Small Business Cooperatives Development and Promotions Office Head Mona Yap.