Quezon City ang napili ng National Commission for Culture and the Arts (NCCA) bilang host sa darating na 2026 Round Festival sa Abril!

Ngayong Lunes, nakipagpulong kay Mayor Joy Belmonte si NCCA Chairperson at concurrent Executive Director Eric Zerrudo para ibahagi ang mga programa para sa Round Festival.

Mga sikat na artist mula South Korea at ASEAN Countries ang bibida sa Round Festival, na gaganapin sa Araneta Coliseum.

Handa ang lokal na pamahalaan na sumuporta at tumulong sa preparasyon at pangangasiwa ng festival, para masiguro ang kaligtasan at kaayusan sa pagdiriwang.