Nakipagpulong si Mayor Joy Belmonte kay Philippine Health Insurance Corporation (PhilHealth) Acting President and CEO Dr. Beverly Lorraine Ho. Ito ay para palakasin ang ugnayan ng PhilHealth at Quezon City Government sa patuloy na pagpapabuti ng health care services para sa mga QCitizen.
Tinalakay sa pulong ang mga hamon at posibleng solusyon sa mas mahusay na pagpapatupad ng mga programa ng PhilHealth, kabilang ang Yaman ng Kalusugan (YAKAP) at Guaranteed and Accessible Medications for Outpatient Treatment (GAMOT).
Kasabay nito ay isinagawa rin ang Memorandum of Agreement (MOA) kaugnay ng pakikipag-partner ng QC Kabahagi Center for Children with Disabilities at Rosario Maclang Bautista General Hospital (RMBGH) sa PhilHealth.
Layon ng kasunduan na mas mapalawak ang access sa mga rehabilitation services para sa Children with Developmental Disabilities (CDD) na saklaw ng Z Benefit Package ng PhilHealth.
Kasama ni Mayor Joy sa pulong sina Chief of Staff Weng Macatao, City Administrator Mike Alimurung, Epidemiology & Surveillance Division Head Dr. Rolly Cruz, Rosario Maclang Bautista General Hospital Medical Center Chief Dr. Dave Vergara, at Information Technology and Development Department (ITDD) OIC Mary Ann G. Cruz.
