Nakipagpulong si Mayor Joy Belmonte sa mga kinatawan ng TikTok Philippines upang talakayin ang nalalapit na Unlad Lokal Roadshow Caravan.

Ang Unlad Lokal ay isang programang naglalayong tulungan ang Micro, Small, and Medium Enterprises (MSMEs) na mas mapalakas ang kanilang marketing strategies at mapalawak ang kanilang online presence.

Kasama sa pulong si Erin Tagudin, Director for Ecosystem Development ng Bytedance PH, at si Small Business and Cooperatives Development and Promotions Office Head Mona Celine Yap.

Layunin ng inisyatiba na bigyang kaalaman at oportunidad ang mga lokal na negosyante upang mas mapalago ang kanilang mga produkto at negosyo gamit ang digital platforms.