Nilagdaan ni Mayor Joy Belmonte at Philippine National Police Chief PGEN Rommel Marbil ang Memorandum of Agreement para sa pagpapatakbo ng bagong Child Development Center sa Camp Crame.
Kabilang sa mga lumagda sa kasunduan sina Social Services Development Department head Carol Patalinghog, PMGen. Roderick Alba, OLC Foundation Inc. Adviser Mary Rose Marbil, PNP OLC President Leilani Alba, habang saksi ang iba pang opisyal ng PNP at ng foundation.
Kabilang sa mga prayoridad ng pamahalaang lungsod ang pag-alaga sa mga kabataan sa pamamagitan ng early childhood care and development.
Noong Abril 30, pinasinayaan ni Mayor Joy at PNP Chief Marbil ang PNP Child Development Center na may classrooms, opisina, multipurpose room, library, prayer room, handwashing stations, at comfort rooms.
