Lumagda sa Memorandum of Understanding sina Mayor Joy Belmonte at Automobile Association of the Philippines, Inc. (AAP) Treasurer, Augusto M. Cosio, Jr. na kumatawan sa Pangulo ng AAP na si Augustus D. Ferreria, upang pagtibayin ang pakikipagtulungan para sa pagpapatupad ng “Stay Bright” Road Safety Campaign sa mga paaralan at komunidad ng Lungsod Quezon.
Sa ilalim ng programa, mahigit 19,000 mag-aaral at 400 community participants na ang nabigyan ng road safety education sa pangunguna ng AAP.
Nagsilbing mga saksi sa MOU signing sina Education Affairs Office OIC Maricris Veloso at AAP CEO Mark Desales.
Dumalo rin sa seremonya sina Assistant City Administrator for Operations Alberto Kimpo, Schools Division Superintendent Carleen Sedilla, Traffic and Transport Management Department Head Dexter Cardenas, at Barangay and Community Relations Department Head Ricky Corpuz.
Layunin ng Quezon City na maitanim sa murang edad ang disiplina at kaalaman sa road safety ng mga mag-aaral at ng komunidad.
