Magtutulungan ang Quezon City Government at Mindanao Development Authority (MinDA) para mapalakas pa ang ekonomiya, madagdagan ang trade opportunities, at maibida ang kultura ng Mindanao.
Kahapon, lumagda sa Memorandum of Understanding sina Mayor Joy Belmonte at MinDA Chairperson Sec. Leo Tereso Magno bilang simula ng mas maigting na ugnayan ng lungsod at MinDA.
Sa ilalim ng MOU, magbubukas ng karagdagang oportunidad para mas maisulong at maipakilala ang mayamang kultura at tradisyon ng Mindanao sa iba-ibang programa at selebrasyon ng lungsod.
Pumirma rin sa kasunduan si Local Economic Development and Investment Promotions Office (LEDIPO), na sinaksihan nina Climate Change and Environmental Sustainability Department Head Andrea Villaroman, Disaster Risk Reduction and Management Office Head Ma. Bianca Perez-Diamante, QC Tourism Department OIC Giana Barata, at External Relations Officer Tetta Tirona.
