Pormal nang nilagdaan ng Quezon City Government at San Beda College Alumni Foundation, Inc. (SBCAF) ang Memorandum of Agreement para sa pagtatatag ng Garden of Native Trees at Living Museums of Native Trees sa loob ng Quezon City University (QCU) sa ilalim ng National Greening Program ng unibersidad.

Sa ilalim ng kasunduan, magbibigay ang SBCAF ng mga punla ng native trees, habang pangungunahan naman ng QCU ang pangangalaga at pagpapanatili ng mga ito.

Nilagdaan ang kasunduan nina Mayor Joy Belmonte, QCU President Dr. Theresita Atienza, SBCAF President Dr. Jaime Galvez Tan, at Programme Director for Native Trees Imelda Sarmiento.