Bumisita si “Mr. Pure Energy” Gary Valenciano sa Emilio Jacinto National High School para sa kanyang Face2Face program kung saan ibinahagi niya ang mga pagsubok at karanasan sa buhay.
Layon din niya na bigyan ng inspirasyon at gabay ang mga mag-aaral tungo sa kanilang pagharap sa mga suliranin.
Nakiisa sa programa sina EJNHS Principal Joey Mancia, mga kinatawan mula sa Schools Division Office, at QC Education Affairs Unit.
Lubos na nagpapasalamat ang pamahalaang lungsod, sa pangunguna ni Mayor Joy Belmonte, sa pagbisita at oras na inilaan ni Gary V para personal na makadaupang-palad ang mga mag-aaral na QCitizens.
