Malugod na tinanggap ng Quezon City Government ang delegasyon mula sa Naga City para sa isang benchmarking activity sa ilalim ng ICLEI Southeast Asia Safe and Sound Cities Program Learning Exchange Activity. Sa pamamagitan ng mga site visit at knowledge-sharing sessions, ibinahagi ng Quezon City ang best practices ng lokal na pamahalaan sa active mobility, pedestrianization, pampublikong espasyo, at LGBTQIA+ inclusion, kabilang ang Right to Care (RTC) Program.
Binisita ng delegasyon ang iba-ibang proyekto ng lungsod sa Maginhawa Street at Tomas Morato. Nagtungo rin sila sa mga bagong atraksyon sa Quezon Memorial Circle at Elliptical Road tulad ng Elevated Promenade, Skate Park, at ang Class I Bicycle Lane. Nakiisa sa benchmarking activity ang mga kawani ng QC Tourism Department, Traffic and Transport Management Department, Parks Development and Administration Department, Department of Public Order and Safety-Green Transport Division, City Planning and Development Department, at Gender and Development Council Office.
#BenchmarkingAtQC#QCMoreToExplore
