Bilang bahagi ng kanilang community outreach program, namahagi ang NLEX Corporation ng hygiene kits para sa Quezon City Jail Female Dormitory kasabay ng turnover ng donasyon ng 8 units ng laptop mula sa German Embassy.

Katuwang ng QC JFD ang Spark Philippines sa pangunguna ni Ms Maica Teves, at pamahalaang Lungsod Quezon. Naging kinatawan din ni Mayor Joy Belmonte si Coun. Aly Medalla ng ikalawang distrito at ipinarating ang pasasalamat sa mga donasyon na natanggap ng mga kababaihang Persons Deprived of Liberty.

Nakiisa sa programa sina Ms. Belle Bugador, manager ng NLEX Corporation Community Engagement at Ms. Bernadette Cortez, assistant manager ng Community Engagement.

Naging panauhin din ang mga PBA NLEX Road Warriors players na sina Asi Taulava at JR Quiñahan.