BAGONG PARK AT OPEN GREEN SPACE NA NAMAN! 
Dating sementadong plaza, ngayon parke at open green space na. Maaari nang pasyalan ang bagong bukas na Nova Park sa District 5.
Ito ay split-level park na binubuo ng multi-purpose area, elevated walk, lawns, historical monument, sculptural relief walls, bike racks, accessible ramps, at permeable ground covers.
Layon ng parke na maging bahagi ng city-wide heritage trail.
Sa pamamagitan ng mga sculptural relief walls, binibigyang-pagkilala nito ang naging kontribusyon ng Novaliches sa pag-aalsa ng Katipunan upang makamit ang ating kalayaan.
Matatagpuan ang bagong parke sa kahabaan ng Quirino Highway at Buenamar Drive.
