Maaari nang bisitahin simula ngayong araw ang Nueva Vizcaya Goes to Kyusi Trade Fair 2025 sa Quezon City Hall, tampok ang mga entrepreneurs mula Nueva Vizcaya.
Ipinapamalas dito ang mga dekalidad na produktong Novo Vizcayano — mula sa pagkain, inumin, hanggang sa mga handicrafts at furniture.
Layon ng trade fair na ipakita ang husay ng mga lokal na negosyante ng Nueva Vizcaya at palakasin ang ugnayan nito sa QCitizens.
Bukas ito mula October 20 hanggang October 24, 2025, sa Gate 1 Covered Pathwalk, Quezon City Hall, 7:00 AM – 6:00 PM.
Pinangunahan ang pagbubukas nina QC Small Business and Cooperatives Development and Promotions Office Head Mona Yap, City Administrator Mike Alimurung, Nueva Vizcaya Provincial Administrator Jovito Celestino, at Provincial Cooperative Affairs Officer Juditte Asuncion.
