Malugod na tinanggap ng lokal na pamahalaan ng Quezon City ang mga opisyal ng Ormoc City, Leyte, sa pangunguna ni City Councilor Gregorio Yrastorza III. Nasa lungsod sila para sa benchmarking activity kasama ang QC Department of Public Order and Safety (QC DPOS).

Sa isinagawang benchmarking activity, ipinakita ng Disaster Risk Reduction and Management Office (QC DRRMO) ang kahandaan ng lungsod sakaling may sakuna o emergency habang security at traffic management naman ang ibinahagi ng DPOS. Bumisita rin sila sa tanggapan ng DPOS, QC Police District, at DRRMO Operations Center.

Dumalo rin sina Coun. Ranulfo Ludovica na Chairperson ng Public Order and Security, City Administrator Michael Victor R. Alimurung, Assistant City Administrator Rene S. Grapilon, DPOS head Ret. Gen. Elmo DG San Diego, City Secretary Ricardo T. Belmonte Jr., TTMD OIC Dexter C. Cardenas, Tourism OIC Maria Teresa A. Tirona, DRRMO Research and Planning Section Chief Bianca Perez at DPOS Division head Remigio B. Gregorio.