255 aspiring na negosyante sa QC mula District 3 ang nakatanggap ng dagdag puhunan sa tulong ng programang Pangkabuhayang QC.

Nakatanggap sila ng P10,000 hanggang P20,000 livelihood assistance mula sa lokal na pamahalaan ng Lungsod Quezon.

Naging katuwang din ang mga partner stakeholders ng lungsod tulad ng Department of Trade and Industry (DTI) para sa registration ng mga negosyo, San Miguel Corporation, Cebuana Lhuiller para sa business insurance, at GCash para sa online at contactless banking at bills payment.

Ang mga prayoridad na maging benepisyaryo ng programa ay mga displaced workers, microentrepreneur, Overseas Filipino Workers na nawalan ng trabaho, unemployed solo parents, at persons with disability.

Para sa iba pang detalye ng programang Pangkabuhayang QC, bisitahin lamang ang Facebook page ng QC Small Business and Cooperatives Development Promotions Office.