Ibinahagi ng Quezon City Government ang best practices nito sa ginanap na Partnership for Healthy Cities Food Policy Workshop mula September 16 hanggang 18.
Pumunta sa Molave Youth Home at San Diego Elementary School ang mga kinatawan ng iba-ibang siyudad sa mundo, para alamin kung paano sinisiguro ng lungsod ang kalusugan ng bawat QCitizen.
Sa Molave Youth Home ibinahagi kung paano isinasagawa ng QC ang Healthy Public Food Procurement Policy, habang sa San Diego Elementary School naman ipinakita kung paano ipinapatupad ng healthy diets in school policy at school-based feeding program.
Bukod sa site visit, sumailalim sa tatlong araw na workshop ang food policy experts at urban leaders mula Amman (Jordan), Bandung (Indonesia), Colombo (Sri Lanka), Jakarta (Indonesia), Muscat (Oman), Quezon City (Philippines), mga ilang kinatawan ng World Health Organization at global health organization na Vital Strategies.
Layon ng pagtitipon na talakayin ang best practices at mga polisiya ng iba-ibang siyudad sa pagpapatupad ng evidence-based food policies para maiwasan ang sakit.
