Nakiisa ang lokal na pamahalaan ng Lungsod Quezon sa Pork Degustation Dinner na bahagi ng Hog Festival 2024 ng National Federation of Hog Farmers, Inc. (NatFed) na idinaos sa Novotel Hotel Manila, Araneta City.
Ipinatikim naman ng 9 Filipino chefs ang kani-kanilang unique pork dishes para sa mga dumalo kagabi.
Napili ng NatFed ang QC bilang host city ng Hog Festival 2024. Nitong Marso 1, nakamit ng NatFed ang Guinness World Record para sa pinaka maraming pork dishes on display.
Present sa programa sina Assistant City Administrator Alberto Kimpo, ACA Atty. Rene Grapilon, Tourism Department OIC Maria Tirona, Small Business and Cooperatives Development and Promotions Office head Mona Yap, Business Permit and Licensing Department head Margie Santos, Barangay and Community Relations Department head Ricky Corpuz, City Veterinarian Ana Cabel, at Public Affairs and Information Services Department head Bert Apostol.
