Project Lawa at Binhi on the Move!
Nagsimula na ang Project Lawa at Binhi Cash-for-Training and Work Program para sa ilang QCitizens sa pangunguna ng Department of Social Welfare and Development (DSWD), katuwang ang Social Services Development Department (SSDD).
Bilang bahagi ng programa, nagsagawa ang Quezon City Disaster Risk Reduction and Management Office ng orientation at training tungkol sa climate change adaptation, hazard awareness, at disaster preparedness, kabilang ang tamang Duck, Cover, and Hold bilang paghahanda laban sa lindol at iba pang sakuna tulad ng sunog at baha.
Sa ilalim ng Project Lawa at Binhi, sasailalim ang mga kalahok sa 20 araw na training at urban farming. Matapos ang programa, makatatanggap sila ng sahod bilang kapalit ng kanilang serbisyo.
Personal na binisita ni SSDD Officer-in-Charge Ma. Lorelei Salvador at mga kinatawan ng DSWD ang mga kalahok upang tiyakin ang maayos na pagpapatupad ng programa.
