Bumisita ang mga kinatawan ng lokal na pamahalaan ng Puerto Princesa City at Butuan City sa Quezon City Public Affairs and Information Service Department (PAISD) para sa benchmarking activity.
Ibinahagi nina PAISD Head Engelbert Apostol at ng mga division heads ng departamento ang kanilang mga best practices sa larangan ng public communication, media relations, at social media management.
Ipinakita rin ng PAISD ang proseso sa pagbuo ng isang episode ng Usapang QC, ang award-winning infotainment online show ng QC Government.
Nakibahagi rin sa aktibidad ang ilang kawani mula sa QC Public Employment Service Office (PESO) sa pangunguna ni PESO Head Rogelio Reyes.
