Iba-ibang serbisyong pangkalusugan ang natanggap ng mga residente ng Barangay Loyola Heights mula sa Department of Health (DOH) at Quezon City Government sa ilalim ng PuroKalusugan program.
Libreng ibinigay sa mga residente ang mga assessment para masukat ang kanilang Body Mass Index (BMI), blood pressure, blood sugar, at cholesterol. Meron ding free screening para sa cervical cancer, breast cancer, at lung cancer.
Kabilang sa mga nakiisa sa programa sina DOH-Metro Manila Center for Health Development Regional Director Lester Tan, Dr. Jean Pauline Tee ng Quezon City Health Department, at DOH Disease Prevention and Control Bureau Director Dr. Ma. Elizabeth Caluag.
