Nagsagawa ang Quezon City Government, sa pamamagitan ng Public Employment Service Office (PESO) at Small Business and Cooperatives Promotions and Development Office (SBCDPO), katuwang ang Cooperative Development Authority (CDA), ng Cooperative Pre-Registration Seminar para sa 51 OFW returnees at lokal na kasambahay sa ilalim ng QC CARES Project.
Layunin ng seminar na ihanda ang mga kalahok sa pagbuo ng isang member-owned at city-supported cooperative, kung saan maaari silang sama-samang mag-ipon, matuto, at magkaroon ng mas maraming oportunidad para sa kabuhayan at pag-unlad.
Patuloy na pinalalakas ng QC CARES Project ang suporta para sa mga domestic worker at local kasambahay sa pamamagitan ng pag-iimpok, skills development, reintegration support, livelihood programs, at cooperative membership tungo sa mas matatag na kinabukasan para sa kanila at kanilang pamilya.
Ang QC CARES Project ay pinondohan ng Mayor’s Migration Council’s Global Cities Fund sa pamamagitan ng Rockefeller Philanthropy Advisors.
