Tampok sa Quezon City Flood Summit 2025 ang exhibit na nagpapakita ng iba’t ibang water search and rescue equipment ng Quezon City Disaster Risk Reduction and Management Office.
Mula sa rescue rings, tubes, at personal protective equipment para sa responders, hanggang sa mga advanced tools tulad ng portable ECG machine, oxygen concentrators, at cardiac monitors—ipinapakita rito ang kahandaan ng lungsod sa anumang emergency.
Kasama sa exhibit ang iRiseUp (Intelligent, Resilient, and Integrated Systems for the Urban Population), early warning at monitoring system na tumutulong mag-track ng tubig-ulan, tubig-baha, at iba pang hazard.
Nagdisplay naman ng kanya-kanyang gamit, produkto at teknolohiya ang iba-ibang kumpanya at samahan.
Personal na binisita ang exhibit nina Mayor Joy Belmonte, Majority Floor Leader Coun. Ally Medalla, Coun. Wency Lagumbay, Coun. Doray Delarmente, Coun. Mari Rodriguez, Coun. Cocoy Medina, Coun. Alfred Vargas, Coun. Candy Medina, Coun. Rannie Ludovica, at QCDRRMO Head Bianca Perez.
