Tinalakay sa morning plenary session ng Quezon City Flood Summit 2025 ang mga paraan upang mas mapahusay ang weather at flood forecasting sa bansa, lalo na sa Quezon City.
Pinangunahan ang sesyon nina PAGASA Hydro-Meteorology Division Chief Engr. Socrates Paat Jr., Philippine Space Agency Project Technical Specialist Engr. Keith Anne Cabello, UP Institute of Environmental Science and Meteorology Professor Dr. Gerry Bagtasa, DSWD-NCR Project Development Officer John Roby Rojo, at Philippine Disaster Resilience Foundation Operations Center Director Arnel Capili.
Nagsilbi namang moderator si ABS-CBN News Resident Meteorologist at Weather Anchor Ariel Rojas.
Binanggit na bagama’t malaki na ang pag-unlad sa weather forecasting, kailangan pang palakasin ang flood forecasting, lalo na sa mga flood-prone areas ng QC na bahagi ng ilang major river basins.
Binigyang-diin din ang mahalagang papel ng LGUs bilang tulay upang gawing mas malinaw sa publiko ang mga technical advisories at bulletins na inilalabas PAGASA.
Bahagi naman ng talakayan ang satellite data at paano ito nakakatulong sa flood mapping, planning, at historical data ng LGUs para sa mas mahusay na disaster preparedness.
