Ngayong Breast Cancer Awareness Month, nagbigay ng libreng breast cancer screening ang QC Health Network na kinabibilangan ng QC Health Department (QCHD), Quezon City General Hospital (QCGH), Rosario Maclang Bautista General Hospital (RMBGH), at Novaliches District Hospital (NDH), katuwang ang Philippine Cancer Society (PCS).
Bukod sa clinical breast examination, may libreng cervical cancer screening din para sa mga kababaihan gaya ng HPV DNA test at visual inspection with acetic acid (VIA).
Layon ng aktibidad na isulong ang early detection pagdating sa kanser at masiguro ang kanilang kalusugan.
Kung sakaling may makitang bukol o mag-positibo, handa ang lungsod na i-refer at tulungan ang mga pasyente para sa assessment. Libre rin ang breast at cervical cancer screening sa mga health center.
