Accredited na ng TESDA bilang competency assessment center ang Dressmaking course ng QC Training and Assessment Center (QC TAC) ng Quezon City Government!

Bilang authorized assessment center ng TESDA, maaari nang i-evaluate ng QC TAC ang mga indibidwal na nagtapos sa Dressmaking training. Kapag nakapasa sa mga qualification assessment at exam, makakatanggap na siya ng Dressmaking NC II certification.

Ibinahagi kahapon ni TESDA QC District Director Angeline Chaves ang certificate of accreditation kay Mayor Joy Belmonte at QCTAC Supervising Administrative Officer Ms. Carmel Tordesillas.

Bukod sa Dressmaking, accredited assessment center na rin ang QC TAC para sa Bookkeeping training.