QC TRAVEL EXPO, BUKAS NA! 
Pinangunahan ni Mayor Joy Belmonte ang pagbubukas ng “More to Explore” Travel Expo sa M.I.C.E Center na inorganisa ng lokal na pamahalaan katuwang ang Quezon City Travel Agencies Association (QCTAA) at Department of Tourism.
Higit sa 100 booths ang nakibahagi sa programa tulad ng mga travel agencies, airlines, hotels, resorts, at iba-ibang food and lifestyle brands.
Ibinida ni Mayor Joy ang mga maaaring bisitahin sa QC tulad ng Quezon Memorial Circle kung saan matatagpuan ang Quezon Heritage House, Bahay Modernismo, Quezon Memorial Shrine, Presidential Car Museum, at ang Tandang Sora Women’s Museum.
Habol na sa Travel Expo na magtatagal hanggang bukas, August 17, 2025 mula 9 AM hanggang 7 PM.
Kasama ng Alkalde sa pag-iikot sa expo sina QCTAA President Margie de Castro, Vice President Aleth Agulto, Dia Mate, Councilor TJ Calalay, Councilor Migs Suntay, QC Acting Chief Tourism Operations Officer Giana Barata, at DOT-NCR Regional Director Catherine Agustin.
