Opisyal nang binuksan ang Quezon City 5th International Business Conference ng Philippine Chamber of Commerce and Industry – Quezon City (PCCI-QC) sa pakikipagtulungan sa Quezon City Government.
Mahigit 500 negosyante, policymakers, department heads, at mga business experts ang dumalo sa pagtitipon na ginanap sa QC M.I.C.E. Center.
Nagsilbing keynote speaker ng conference si Department of Trade and Industry (DTI) Sec. Maria Cristina Aldeguer-Roque kung saan binigyang-diin niya ang kahalagahan ng pagtutulungan ng pamahalaan at pribadong sektor sa pag-unlad ng bansa. Dumalo rin sa programa sina Department of Information and Communications Technology (DICT) Secretary Ivan John Uy at Department of Science and Technology (DOST) Secretary Renato U. Solidum, Jr.
Ibinahagi naman ng mga expert at kilalang personalidad sa iba-ibang bansa ang kanilang business experiences sa ginanap na plenary sessions.
Ang Quezon City 5th International Business Conference ay inorganisa ng PCCI-QC, sa pangunguna nina PCCI-QC President Atty. Arnel Mateo, Chairperson Ar. Alfred Carandang, President Emeritus Sarah Delaroya-Mateo, at Chairperson Emeritus Dr. Carl Balita.
