Upang mas maisulong ang kahalagahan ng pagsisipilyo sa mga kabataang QCitizen, inilunsad ng Quezon City Government, Colgate-Palmolive Philippines, at Fishermall ang Bright Smiles, Bright Futures for Daycare Centers program.
Nakiisa sa programa ang mga daycare pupils at kanilang magulang mula district 1, mga daycare teachers mula Social Services Development Department, at dental staff ng QC Health Department. Naghanda rin ng declamation contest sa pagtitipon.
Sa pakikipagtulungan sa mga magulang, daycare teachers, at health workers imo-monitor ng lungsod ang pagsisipilyo ng mga bata sa daycare. Layon ng programa na masigurong maayos ang oral health ng mga bata.
