QC M.I.C.E CENTER, BUBUKSAN NA! 
Nalalapit nang buksan ang 5-storey Quezon City Meetings, Incentives, Conference & Exhibitions (M.I.C.E) Center na nasa loob ng City Hall.
Muling binisita ni Mayor Joy Belmonte ang center na nasa 90% completion rate na at inaasahang magagamit ngayong taon.
Unang bubuksan ang basement, ground at 2nd floors ng pasilidad. Ang basement nito ay mayroong 135 parking capacity, driver’s lounge, security office, at all-gender and PWD toilets.
Sa ground floor naman makikita ang tiled lobby, exhibit hall na may lawak na 1,100 sqm, limang opisina, security office, toilets, escalators, at main lobby.
Anim ang conference rooms sa 2nd floor, may mga opisina at courtesy rooms, transition lobby na maaring lagyan ng kiosks, malawak na viewing deck, at main ramp.
