Nagpulong ang Quezon City People’s Law Enforcement Board (QC-PLEB) kasama ang District Action Officers upang talakayin kung paano mas mapalapit ang QC-PLEB sa mga QCitizen.

Layon nito na mapabilis ang pagtugon sa mga tanong at reklamo ng QCitizens laban sa mga abusadong miyembro ng Quezon City Police.

Nanguna sa pulong si QC-PLEB Chief Administrative Officer Atty. Terence Thomas M. Cosare kasama si Board Secretary IV Joanna Marie Salalila.

Dumalo naman sina District I Action Officer Oliviere T. Belmonte, District II Action Officer Enrile L. Teodoro, District III Action Officer Thomas John Thaddeus F. De Castro, at District IV Action Officer Zandy A. Zacate.

Bahagi ng kanilang pagtutulungan ang pag-endorso ng Action Officers sa mga reklamo at daing ng kanilang mga nasasakupan sa QC-PLEB para sa agarang aksyon.