QC SKATEPARK, BUKAS NA! 
Pinasinayaan ni Mayor Joy Belmonte ang kauna-unahang skatepark sa Lungsod Quezon na matatagpuan sa Quezon Memorial Circle.
Mayroon itong park style, street style, at casual style na may dalawang skating bowls. May kabuuan itong sukat na 3,700 sqm at may competition-standard design.
Nais ng alkalde na magsilbing training ground ng kabataang QCitizens ang pasilidad para mas mahasa ang kanilang talento sa skateboarding.
Nakibahagi sa seremonya sina Vice Mayor Gian Sotto, City Administrator Mike Alimurung, Chief of Staff Rowena Macatao, City Engineer Atty. Dale Perral, PDAD Head and City Architect Red Avelino, QC Sports Action Officer Robbie De Vera, District 4 Action Officer Atty. Zandy Zacate, at Quezon Memorial Circle Administrator Windsor Bueno.
