Panalo ang Quezon City sa Regional Nutrition Awarding Ceremony ng National Nutrition Council-NCR (NNC-NCR)!
Natanggap ng Quezon City Government ang Green Banner Seal of Compliance Award (GB Award) bilang pagkilala sa mga isinagawang programa ng lungsod na nagpabuti pa sa nutrisyon at pangkalahatang kalusugan ng mga QCitizen.
Pinangunahan ni Mayor Joy Belmonte ang pagtanggap sa parangal, kasama sina QC Health Department OIC Dr. Ramona Abarquez, City Nutrition Action Officer Dr. Olive Esquivas, at City Nutrition Program Coordinator Jai Sideco.
Bukod sa GB Award, kinilala rin ang lokal na pamahalaan bilang Best LGU in Dietary Supplementation Program, at Best LGU in Overweight and Obesity Management and Prevention Program.
‘Rising star’ awardee rin ang QC Nutrition Committee sa Webby Awards (special award), na kumikilala sa natatanging information dissemination efforts tungkol sa wastong nutrisyon.
Noong nakaraang taon, natanggap ng lungsod ang Most Improved LGU in the Implementation of Nutrition-Sensitive Programs award at Most Improved LGU Performance in Nutrition Program Management award, habang Nutrition Leadership Awardee naman si Mayor Joy.
