Matagumpay na nailipat sa QCitizens Homes, Payatas Community 1, sa Milagrosa ang 14 pamilya na nakatira sa ibabaw ng tulay sa Brgy. Balon-Bato. Kasabay ito ng isinagawang joint clearing operation na naglalayong alisin ang mga ilegal na istruktura at matiyak ang kaligtasan at kaayusan sa lugar.
Bahagi ito ng mas pinaigting na kampanya ng Pamahalaang Lungsod sa pagpapatupad ng mga programa at operasyon kaugnay sa katiyakan sa paninirahan at kaayusan ng komunidad.
Nanguna sa operasyon ang Housing, Community Development and Resettlement Department (HCDRD), kasama ang QC Engineering Department (QCDE), Department of Public Order and Safety (DPOS), Traffic and Transport Management Department (TTMD), Social Services Development Department (SSDD), Department of Sanitation and Cleanup Works (DSQC), City Legal Department, Task Force On Control, Prevention, and Removal Of Illegal Structures and Squatting (TF COPRISS), Task Force Disiplina, QCPD Station 3, at konseho ng barangay.
Katuwang din sa programa sina Chief of Staff Rowena Macatao, at District 6 Action Officer Atty. Mark Aldave.
