Sa pangunguna ng Quezon City Department of Engineering (QCDE), nagsagawa ang lungsod ng clearing at pagtanggal ng leaning pole bilang bahagi ng patuloy na anti-dangling wires operations.

Bagama’t pagmamay-ari ng isang pribadong korporasyon ang naturang poste, minabuti ng Quezon City Government na alisin ito upang maiwasan ang anumang panganib o aksidente sa publiko.

Ang mga dangling wires sa paligid ay active wires, at ang lokal na pamahalaan ay nakipag-ugnayan na sa mga telecommunications companies at sa National Telecommunications Commission (NTC) upang maisaayos at maayos na mapamahalaan ang mga ito.