QCitizens, may bagong “Hero” ang ating Task Force Disiplina!

Makakatuwang na ng mga kawani ng Task Force Disiplina sa pagpapanatili ng kaayusan sa mga lansangan ng lungsod ang dalawa sa mga trained rescue dog ng QC Veterinary Deparment, sina Hero at Chow.

Sina Hero at Chow ay kabilang sa mga nasagip na aso ng QCVD. Sumailalim sila sa masusing assessment ng mga beterinaryo, at sinanay para maging community service animal na magiging kaagapay sa pagpapatrolya sa mga kalye ng lungsod.

Ayon sa QCVD, kabilang sina Hero at Chow sa mahigit 60 trained rescued animals ng lungsod na naka-assign na sa iba-ibang law and order agencies at institutions. Ang ilan sa kanila, nagse-serbisyo na sa QC Police District, MRT stations, at mga barangay hall.