Naging matagumpay ang consultative meeting na isinagawa ng Rosario Maclang Bautista General Hospital (RMBGH) sa pangunguna ni Hospital Director Dr. Richard Joseph Cabotage sa mga barangay official ng District 2 upang mapaunlad pa ang mga serbisyong medikal para sa mga QCitizen.

Ipinaliwanag ng RMBGH ang iba-ibang plano at programa ng ospital. Nagbigay naman ang mga barangay official ng kanilang suhestiyon kung paano mas maipapaabot ang mga serbisyong ito sa mga residente ng distrito.

Ang pulong ay isinagawa alinsunod sa utos ni Mayor Joy Belmonte upang matiyak na maihahatid ang mabilis at mataas na kalidad ng medical at healthcare services sa bawat QCitizen.