Click smart and stay safe! 
Tinipon ng Pamahalaang Lungsod Quezon ang mga student leaders, magulang, barangay council for the protection of children, at internet service providers upang palakasin ang adbokasiya para sa ligtas, responsable, at ethical use ng digital technology.
Pinangunahan ni Mayor Joy Belmonte ang programa para sa Safer Internet for Children summit kasama ang iba-ibang stakeholders para sa karapatan at proteksyon ng mga kabataan.
Layon ng lungsod na makabuo ng isang ligtas na online environment kung saan ang bawat batang QCitizen ay protektado at pinapakinggan.
Nakiisa sa programa sila 23rd City Council Majority Floor Leader Aly Medalla, PBGen. Maria Sheila Portento ng PNP Women and Children Protection Center, Maricel Barnedo ng Department of Social Welfare and Development – NCR, at Joana Camille Jacinto-Lizardo ng Council for the Welfare of Children Public Affairs and Information Office.
Nagbigay din ng suporta ang pribadong sektor sa pamamagitan ni Philippine Chamber of Commerce and Industry–QC Executive Vice President Anthony Gedang.
Sa patuloy na pagsusulong ng child protection sa digital space, pinagtitibay ng Quezon City ang mga inisyatiba na nagbibigay-lakas sa kabataan na magsalita, mag-ulat ng pang-aabuso, at maging responsable sa paggamit ng internet.
