Nakilahok ang mga kinatawan mula sa QC Public Employment Service Office, Gender and Development Office, QC Protection Center, Social Services Development Department, at QC Citizen Services Department – QC Helpline 122 sa isinagawang orientation ng Save the Children Philippines – Project PRIDE tungkol sa frequently asked questions (FAQs) guide para sa mga batang may iba-ibang Sexual Orientation, Gender Identity, Gender Expression, and Sex Characteristics (SOGIESC).
Layunin ng aktibidad na gawing mas gender-responsive at gender-sensitive ang mga helpline upang mas mahusay na makapagbigay ng suporta sa mga batang nangangailangan.
Pinangunahan ang aktibidad nina Save the Children Philippines Project Officer Mr. Jude Apolonio, at Child Protection Manager Ms. Jerly Mae M. Villanda.
Dumalo rin ang Council for the Welfare of Children – Makabata Helpline upang magbahagi ng kanilang kaalaman at karanasan.
Bilang bahagi ng inisyatiba, ibibigay ng Project PRIDE ang FAQs guide sa QC Helpline 122 ng lungsod na magsisilbing mahalagang sanggunian para sa ating helpline operators.
