Nanguna sa Exit Report Presentation si Dr.-Ing. Syrus Gomari ng SEERMO at Mobility Vision+ at kanyang team, na tumulong sa lungsod upang maisagawa ang transportation at sustainable mobility planning gamit ang AI-powered data collection.
Ang pakikipagtulungan ni Dr. Gomari sa QC ay bahagi ng Balik Scientist Program ng Department of Science and Technology.
Binigyang-diin ni City Administrator Michael Alimurung ang kahalagahan ng data-driven planning bilang susi sa mas epektibo at makabagong serbisyo-publiko.
Kasama rin sa conference sina Assistant City Administrator for Operations Alberto Kimpo, at ang DOST – Philippine Council for Industry, Energy and Emerging Technology Research and Development (PCIEERD) na kinatawan ni Chief Science Research Specialist Dr. Ruby Raterta.
Binibigyang-halaga ng lungsod ang kolaborasyon sa iba-ibang sektor at ang paggamit ng teknolohiya bilang bahagi ng epektibong pamamahala.
