Nagsagawa ng site inspection sina Department of Transportation Secretary Vince Dizon, Department of Budget and Management Secretary Amenah Pangandaman, at Vice Mayor Gian Sotto sa mga Active Transport infrastructure projects ng DOTr sa Quezon City.
Kabilang sa mga proyektong binisita ay ang bagong Directional Island sa East Avenue corner Elliptical Road, ang upgraded Class 1 Bike Lane at Sidewalk Improvement sa kahabaan ng Elliptical Road, at mga bagong Public Utility Vehicle (PUV) stops.
Dumalo sa inspeksyon sina Representative Franz Pumaren, City Administrator Michael Alimurung, at Asst. City Administrator for Operations Alberto Kimpo.
Buo ang suporta ng Quezon City sa adbokasiyang gawin mas ligtas, mas episyente, at mas inklusibong ang sistema ng transportasyon para sa bawat QCitizen, lalong-lalo na sa mga siklista at gumagamit ng pampublikong sasakyan.
