Higit sa 900 urban farmers sa Lungsod Quezon ang nakibahagi sa Social Protection Caravan na pinangasiwaan ng Joy of Urban Farming (JOUF) at Public Employment Service Office (QC-PESO) sa M.I.C.E Center.
Layon ng caravan na mas mailapit ang serbisyo at programa ng pamahalaan upang mapalakas ang social protection sa mga urban farmers sa lungsod.
Kasama sa nagpaabot ng kani-kanilang serbisyo sa mga dumalo ang Social Security System (SSS), PhilHealth, Pag-IBIG Fund, PhilSys, QCID, at Quezon City Health Department (QCHD).
Dumalo sa programa sina PESO Manager Rogelio Reyes, JOUF head Tina Perez, Councilors Cocoy Medina at Doray Delarmente, Maribel Cunan ng PhilHealth, Alexander Regala ng SSS, Luis Lomentigar Jr mula sa Pag-IBIG, at Nerissa Peñaflor ng QCHD.
