Binisita ng mga social worker ng Social Services Development Department (SSDD) ang mag-asawang senior QCitizens na napabalitang dinukutan sa Barangay Commonwealth matapos makuha ang kanilang pensyon.

Agad na nagpaabot ng tulong ang pamahalaang lungsod sa mag-asawa kabilang na ang pamamahagi ng grocery packages, medical assistance para sa kanilang anak na nagda-dialysis, at pagkakaloob ng tulong-pinansyal.