Pinangunahan ni Mayor Joy Belmonte ang ginanap na Subdivision Homeowners Association Forum ng City Planning and Development Department (CPDD) sa Great Eastern Hotel ngayong Sabado.
Layunin ng forum na mapagtibay ang ugnayan ng lungsod sa mga subdivision HOAs. Sa forum din pinag-uusapan ang mga kinahaharap na problema ng bawat HOA sa QC at paano ito tinutugunan ng Pamahalaang Lungsod Quezon.
Hinimok ni Mayor Joy ang mga dumalo na tangkilikin ang mga bagong digital platforms na iReport, Open Infra, at ang QC Open Data para i-report ang kanilang mga concerns at makita ang progreso ng mga proyekto sa lungsod.
Nakibahagi sa programa sina CPDD head Jed Gomez, ACA Rene Grapilon, QC Citizen Services Department OIC Joel Distrajo, Traffic and Transport Management Department head Dexter Cardenas, District Action Officers na sina Atty. Mark Aldave, Atty. Bong Teodoro, Atty. Tommy de Castro, William Bawag, Atty. Zandy Zacate, mga kawani ng Meralco, Bureau of Internal Revenue, Manila Water, at Department of Human Settlements and Urban Development.
