Pinangunahan ni Mayor Joy Belmonte ang Subdivision Homeowners’ Associations (HOAs) Forum na pinangasiwaan ng City Planning and Development Department (CPDD) sa M.I.C.E Center sa City Hall ngayong Sabado.
Sa kanyang talumpati, nanawagan si Mayor Joy ng tuloy-tuloy na pakikipagtulungan at tiwala ng mga HOAs sa lokal na pamahalaan para sa kaunlaran ng Lungsod Quezon.
Tumayong resource speakers sina CPPD OIC Jose Gomez Jr., Zoning Administration Unit OIC Michael Velasco, Engr. Dave Naluz ng QC Department of Engineering, QC Real Estate Management and Control Office head Atty. Francisco Joaquin, Human Settlements Adjudication Commission Commissioner Fidel Exconde Jr., at Aubrey Friginal ng Department of Human Settlements and Urban Development.
Pinakinggan at tinugunan ng Pamahalaang Lungsod ang mga mungkahi ng HOA officials sa forum.
Dumalo rin sa programa sina Majority Floor Leader Councilor Doray Delarmente, Councilor Irene Belmonte, ACA Alberto Kimpo, at District Action Officers ng mga distrito ng lungsod.
