Kinilala bilang natatanging benepisyaryo ng Sustainable Livelihood Program (SLP) ng Department of Social Welfare and Development – National Capital Region (DSWD-NCR) ang QCitizen na si Cielo Solio ng Bgy. Sauyo sa Sustainenabler Awards 2025.
Nakuha ni Cielo ang Enabler of Transformation Award, Best Micro-enterprise Development Project (Regular Category) at Best Portrait Project na kinunan ng QC Public Affairs and Information Services Department (PAISD).
Napili si Cielo mula sa 200 na nagpadala ng entry at isa siya sa magrerepresenta ng NCR sa susunod na Gawad Sulong Awards ng DSWD.
Pinarangalan din ang short film na ginawa ng PAISD, sa pakikipagtulungan ng QC Social Services and Development Department (SSDD).
Nasungkit ng “Butil ng Pag-asa” ang 2nd Best Short Film at People’s Choice Award, habang nominado naman ito sa iba-ibang kategorya:
Best Cinematography
Best Screenplay
Best Directing
Layon ng Sustainenabler Awards 2025 na kilalanin at i-highlight ang tagumpay ng mga benepisyaryo ng SLP na gumanda ang estado ng buhay sa tulong ng programa.
