Nagsagawa ng joint reach-out operations sa Districts 1 at 4 ang Quezon City Government – Task Force Sampaguita at DSWD Pag-Abot Program upang tumugon sa mga indibidwal at pamilyang naninirahan sa lansangan.
Umabot sa 90 katao, 30 ang menor de edad, ang natulungan ng operasyon kagabi. 42 sa bilang na ito ang taga QC at agad nai-refer sa kani-kanilang mga barangay.
Ligtas namang na turn over sa DSWD at nairehistro sa Pag-Abot program ang mga Children in Street Situations upang makumpirma ang kanilang pagkakakilanlan.
Agad na binigyang atensyon ng mga narescue, mula sa pagbibigay ng pagkain, serbisyong medikal, at counseling.
Nakibahagi sa operasyon ang Public Employment Service Office, District 1 and 4 Action Offices, Social Services Development Department, Quezon City Police District, QC Disaster Risk Reduction and Management Office, QC Health Department, Department of Public Order and Safety, Barangay and Community Relations Department, City Veterinary Department, City Legal Department, General Services Department, Department of Sanitation and Cleanup Works, Task Force Disiplina, at QC Anti Drug Abuse Advisory Council.
