Loading the Elevenlabs Text to Speech AudioNative Player...
Inisyuhan ng Temporary Closure Order ng Business Permits and Licensing Department (BPLD) ang isang bar sa Esteban Abada Street sa Barangay Loyola Heights dahil sa patung-patong na paglabag sa mga ordinansa ng Lungsod Quezon.
Kasama sa mga nilabag ng speakeasy bar ang Revenue Code, Liquor Ordinance, at Comprehensive Zoning Ordinance ng lungsod.
Nilabag din nito ang Philippine Fire Code dahil walang naipresentang Fire Safety Inspection Certificate ang pamunuan ng establisyimento mula sa QC Fire District (QCFD).
Pinangunahan nina BPLD head Marge Mejia ang operasyon nitong Sabado ng gabi kasama sina Department of Public Order and Safety head Elmo San Diego, QCFD Marshal FSSUPT Robert Samillano Jr, at mga kawani ng Quezon City Police District.
