Pormal nang inilunsad ng Quezon City Government at ANTHILL Fabric Gallery ang Textile Circularity Hub sa Payatas Controlled Disposal Facility (PCDF).
Sa tulong ng Textile Circularity Hub, mas maisusulong ang community-based upcycling at circular economy education sa mga residente.
Sa temang “Unang Habi: Weaving Circular Futures Together”, ang circularity hub ang magsisilbing lugar kung saan maaaring i-transform ang textile waste o patapong tela para maging bago at kapaki-pakinabang na produkto.
Nakiisa si Mayor Joy Belmonte sa opisyal na groundbreaking ceremony ng hub, kasama sina ANTHILL Fabric Gallery Co- Founder/Managing Director Joy Anya Lim, Shell Pilipinas Corporation CEO Lorelie Quiambao-Osial, Pilipinas Shell Foundation Program Director Raiza Cusi, at Edelyn Castro ng Maybank Philippines.
Aabot naman sa 20 QCitizen ang kabilang sa unang batch ng Weavers-in-Training ng Circularity Hub, kung saan tuturuan sila ng pananahi, paghahabi, at sustainable practices.
Ang pagtatatag ng circularity hub ay nakalinya sa zero-waste campaign, inclusive livelihood, at environmental sustainability goals ng lungsod.
