Christmas feels na sa The Clubhouse!
Pinailawan na ang higanteng christmas tree sa The Clubhouse at Temple Drive sa Barangay Ugong Norte ngayong gabi, bilang panimula ng kanilang selebrasyon sa kapaskuhan.
Nakiisa sa tree lighting ceremony si Mayor Joy Belmonte, kasama ang mga kinatawan ng Megaworld Lifestyle Malls sa pangunguna nina Assistant Vice President Michael Lao, Cluster General Manager Mark Sta. Ana, at General Manager of The Clubhouse at Temple Drive Krishield Quiogue.
Sa kanyang mensahe, pinasalamatan ni Mayor Joy ang The Clubhouse at ang Megaworld dahil sa aktibo nilang pakikiisa at suporta sa lahat ng adhikain ng lungsod.
Dagdag pa niya, ang mga christmas celebration sa mga komunidad, tulad ng sa Temple Drive, ang isa sa mga patunay ng katibayan at katatagan ng lungsod.
Dumalo rin sa tree lighting program sina former Ugong Norte chairperson Yassi Wells-Jorge, mga opisyal ng barangay, at business owners sa The Clubhouse.
