MAHALAGANG ABISO SA MGA MOTORISTA

Magpapatupad ang Traffic and Transport Management Department (TTMD) ng traffic re-routing scheme simula ngayong araw, Biyernes sa ilang kalsada sa Brgy. Santa Teresita para sa pagdaraos ng Kyusi Nights: Dapitan Christmas Market.

Isasara ang bahagi ng Dapitan St. corner Apo St. hanggang Mayon St. Isasara rin ang bahagi ng Kanlaon St. mula Sen. Mariano J. Cuenco St. hanggang sa kanto bago ang Nicanor Roxas St.

May inilatag namang alternatibong ruta para sa mga maaapektuhang public utility vehicles at iba pang motorista.

Bukas ang Christmas Market tuwing Biyernes mula 5:00PM hanggang 11:00PM, Sabado at Linggo mula 10:00AM hanggang 11:00PM. Kaya asahan ang posibleng pagbagal ng trapiko sa nasabing lugar.

Magtutulungan at nakaantabay ang mga tauhan ng TTMD, Department of Public Order and Safety (DPOS), Task Force Disiplina at Quezon City Police District para maisaayos ang daloy ng trapiko sa mga nasabing lugar.

Pinapayuhan ang mga motorista na dumaan sa mga alternatibong ruta.

Maraming salamat po sa inyong pang-unawa.